Mərkəzi Bankın yeni hesabatları
Mərkəzi Bank yeni hesabatlar yayıb. Novator.az-ın məlumatına görə, 2021-ci il iyulun 1-nə kredit məbləği 14 milyard 856,9 milyon manat, əmanət məbləği 8 milyard 435,4 milyon manat göstərilir.
Yarım ildə kreditlər 699,9 milyon manat, əmanətlər 257,5 milyon manat artıb. Yanvarın 1-nə 14 milyard 157 milyon manat kredit, 8 milyard 177,9 milyon manat əmanət qeydə alınmışdı.
Başqa bir statistikaya əsasən, iyulun 1-nə ölkədə 914,6 milyon manat problemli kredit rəsmiləşib. Yanvarın 1-nə problemli kreditlərin həcmi 893,1 milyon manat idi. Yarım illik artım 21,5 milyon manatdır.
Hesabata görə, iyulun 1-nə Azərbaycanın 26 bankının aktivləri 33 milyard 69,9 milyon manat, öhdəlikləri 28 milyard 220,1 milyon manat olub.
