Büdcənin yarım ili
Maliyyə Nazirliyi 2021-ci ilin dövlət büdcəsinin ilk altı ayda necə icra olunduğunu açıqlayıb. Novator.az bildirir ki, hesabata görə, dövlət büdcəsinin gəlirləri 11 milyard 755 milyon manat olub, Dövlət Vergi Xidmətinin xətti ilə 4 milyard 342 milyon manat, Dövlət Gömrük Komitəsinin xətti ilə 2 milyard 38,2 milyon manat gəlib, Dövlət Neft Fondundan 4 milyard 696,7 milyon manat köçürülüb.
Dövlət əmlakının icarəsindən 7,3 milyon manat, dövlət əmlakının satışından 32,3 milyon manat götürülüb.
Dövlət büdcəsindən maliyyələşən təşkilatların ödənişli xidmətlərindən 276,4 milyon manat vəsait daxil olub.
Sair daxilolmalar 154,4 milyon manat, dövlət borcu və zəmanəti üzrə öhdəliklərin təminat fondundan transfert 240 milyon manat göstərilir.
Yarım ildə dövlət büdcəsindən 11 milyard 590,5 milyon manat xərcləndiyi vurğulanır.
“2021-ci ilin dövlət büdcəsi haqqında” qanunda gəlirlər 25 milyard 427 milyon manat, xərclər 28 milyard 543 milyon manat nəzərdə tutulur.
