Qolsuz gün
UEFA Çempionlar Liqasında Azərbaycanı təmsil edən “Neftçi” komandası ikinci mərhələnin ilk oyununu keçirib. Novator.az-ın məlumatına görə, iyulun 21-i Yunanıstanda “Olimpiakos”la görüşən bakılılar 0:1 hesabı ilə uduzublar.
Mərhələ keçəcəyi halda “Neftçi” üçüncü raundda (3-10 avqust) “Mura” (Sloveniya) – “Ludoqorets” (Bolqarıstan) cütlüyünün qalibi ilə görüşəcək.
Ələnəcəyi halda Avropa Liqasına köçən “Neftçi” ilk təsnifat raundunda (5-12 avqust) “Malmö” (İsveç) – HİK (Finlandiya) cütlüyünün məğlubu ilə üz-üzə gələcək.
Konfrans Liqasının ikinci mərhələsində yer alan “Sumqayıt” iyulun 21-i Serbiyada “Çukariçki” ilə ilk oyuna çıxıb. Matç qolsuz bitib.
Turnirdəki digər təmsilçilər “Keşlə” və “Qarabağ”ın ilk oyunları iyulun 22-nə təyin edilib. “Keşlə” Rusiyada “Soçi”, “Qarabağ” Bakıda İsrailin “Aşdod” komandası ilə görüşür.
Mərhələ keçəcəkləri halda üçüncü raundda (5-12 avqust) “Keşlə” “Partizan” (Serbiya) – “Dunayska Streda” (Slovakiya) cütlüyünün qalibi, “Qarabağ” AEL (Kipr) – “Vlajniya” (Albaniya) cütlüyünün qalibi, “Sumqayıt” “Hammarbü” (İsveç) – “Maribor” (Sloveniya) cütlüyünün qalibi ilə oynayacaq.
