Paşinyanın yeni hökumət yolu açıldı
İyulun 17-də Ermənistanın Konstitusiya Məhkəməsi növbədənkənar parlament seçkisinin rəsmi nəticələrindən şikayətlər üzrə yekun qərar çıxarıb.
Novator.az bildirir ki, növbədənkənar parlament seçkisi iyunun 20-də keçirilib. Proporsional sistemin tətbiq olunduğu seçkiyə 21 siyasi partiya, 4 blok qatılıb. İyunun 27-də Mərkəzi Seçki Komissiyası seçkinin nəticələrini rəsmiləşdirib. 107 nəfərlik yeni parlamentdə hökumət başçısı Nikol Paşinyanın Vətəndaş Sazişi Partiyasının 71 mandatla təmsil olunacağı açıqlanıb.
İkinci prezident Robert Köçəryanın, Daşnaksütun Partiyası və Dirçələn Ermənistan Partiyasının cəm olduğu Ermənistan bloku 29, üçüncü prezident Serj Sərkisyanın sədrlik etdiyi Ermənistan Respublikaçılar Partiyasını Milli Təhlükəsizlik Xidmətinin sabiq direktoru Artur Vanetsyanın Vətən Partiyası ilə birləşdirən “Qürurluyam” bloku 7 mandat alıb.
Seçkinin rəsmi nəticələri 2018-ci il mayın 8-dən baş nazir kürsüsündə oturan Nikol Paşinyana yenidən hökumət qurmaq imkanı verir, ancaq proses ləngiyib: Ermənistan, “Qürurluyam” blokları, həmçinin parlamentə düşə bilməyən Erməni Vətəni və Oyanış partiyaları nəticələrin ləğvi müraciəti ilə Konstitusiya Məhkəməsinə üz tutublar.
Bir icraatda birləşdirilən şikayətlərə iyulun 9-dan baxılıb, iyulun 17-də Konstitusiya Məhkəməsi Mərkəzi Seçki Komissiyasının 27 iyun qərarını qüvvədə saxlayıb, hakim Vətəndaş Sazişi Partiyasının qələbəsi təsdiqlənib.
Mənbə: Armeniasputnik.am
Ermənistan seçkisinin ilkin nəticələri
Ermənistan: mandatlar necə bölünür?
Ermənistan yeni hökumət ərəfəsində
Paşinyanın qələbəsi rəsmiləşdi
Robert Köçəryan seçkidən şikayət verdi
Ermənistanın Konstitusiya Məhkəməsi seçkidən dörd şikayətə baxacaq
