Azərbaycanın olimpiada medalları
2020-ci ildə koronavirus pandemiyası üzündən bu ilə qalmış Tokio Yay Olimpiya Oyunları iyulun 23-dən avqustun 8-dək keçiriləcək. Yaponiya paytaxtındakı oyunlar 1991-ci ildə dövlət müstəqilliyini bərpa etmiş Azərbaycanın qatıldığı 7-ci olimpiadadır. Əvvəlki 6 olimpiadada ümumilikdə 42 medal əldə olunub: 7 qızıl, 11 gümüş, 24 bürünc.
Novator.az saytı Beynəlxalq Olimpiya Komitəsinin internet səhifəsinə istinadla bildirir ki, 1996-cı il olimpiadası Azərbaycan üçün 1 gümüş medal, 2000-ci il olimpiadası 2 qızıl, 1 bürünc medal, 2004-cü il olimpiadası 1 qızıl, 4 bürünc medal, 2008-ci il olimpiadası 1 qızıl, 1 gümüş, 4 bürünc medal, 2012-ci il olimpiadası 2 qızıl, 2 gümüş, 5 bürünc medal, 2016-cı il olimpiadası 1 qızıl, 7 gümüş, 10 bürünc medalla bitib.
Mənbə: Olympics.com
