Miqrasiya: yarım ilin pozuntuları, cəzalar
Dövlət Miqrasiya Xidməti 2021-ci ilin ilk yarısında xaricilərdən Azərbaycanda olduğu yer üzrə qeydiyyatla bağlı 52525 müraciət alıb. Rəsmi hesabatda Azərbaycan ərazisində müvəqqəti və daimi yaşamaq üçün icazələrlə bağlı müraciətlərin sayı 21078 göstərilir.
Şəxsin Azərbaycan vətəndaşlığına mənsubiyyətinin müəyyənləşdirilməsi ilə bağlı 10885 müraciət qəbul edildiyi vurğulanır.
Rəsmi açıqlamaya görə, 726 qərarda cərimə ödəməklə ölkə ərazisini tərk etmək tələbi, 1163 qərarda ölkə ərazisində yaşamanın qanuniləşdirilməsi, 73 qərarda cərimə və ölkədən inzibati qaydada çıxarılma, 1275 qərarda ölkəyə girişə məhdudiyyət tədbiri yer alıb.
Azərbaycan ərazisində müvəqqəti və daimi yaşamaq üçün icazə sənədinin itirilməsi üzrə 136, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 39, qeydiyyat və sənədlərin rəsmiləşdirilməsi qaydalarının pozulması üzrə 7 qərar çıxarıldığı bildirilir.
