Ağdamda yeni hərbi hissə
Müdafiə Nazirliyinin 16 iyul məlumatına görə, Ağdam rayonunda modul tipli növbəti hərbi hissə istifadəyə verilib. Kompleksdəki xidməti otaqların kondisionerlər, mebellər, müasir tipli sanitar qovşaqları, yataq ləvazimatları, mətbəx avadanlıqları və generatorlarla təchiz olunduğu bildirilir.
Açılış mərasiminə hərbi birlik komandiri general-mayor Hikmət Həsənovun qatıldığı xəbər verilir.
Ermənistan 1988-1994-cü illərin təcavüzündə Azərbaycanın bütün-cənub qərbini işğal edib.
2020-ci il sentyabrın 27-dən Azərbaycanın apardığı hərbi əməliyyatlarda və noyabrın 10-da əldə edilən atəşkəs razılaşması nəticəsində Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Laçın, Xocavənd, Xocalı rayonları və keçmiş Ağdərə rayonu qismən azad olunub.
Yuxarı Qarabağ bölgəsinin bir hissəsi işğalda qalır, Laçın şəhəri və rayonun 6 kəndi bölgədə atəşkəsə məsul Rusiya hərbçilərinin əlindədir.
