Sahələr üzrə orta maaş
Azərbaycanın Dövlət Statistika Komitəsi 2021-ci il iyunun 1-nə muzdlu işçilərin orta aylıq nominal əməkhaqqını 724 manat göstərib. Novator.az bildirir ki, iqtisadi fəaliyyət növləri orta maaş baxımından belə sıralanır:
mədən sənayesi – 3171 manat;
maliyyə və sığorta fəaliyyəti – 2151,6 manat;
peşə fəaliyyəti, elmi və texniki fəaliyyət – 1200,8 manat;
informasiya və rabitə – 1156,8 manat;
dövlət idarəetməsi və müdafiə; sosial təminat – 958,9 manat;
nəqliyyat və anbar təsərrüfatı – 920,9 manat;
tikinti – 861,1 manat;
elektrik enerjisi, qaz və buxar istehsalı, bölüşdürülməsi və təchizatı – 760,8 manat;
emal sənayesi – 683 manat;
daşınmaz əmlakla əlaqədar əməliyyatlar – 678,3 manat;
turistlərin yerləşdirilməsi və ictimai iaşə – 569,2 manat;
su təchizatı, tullantıların təmizlənməsi və emalı – 551,8 manat;
istirahət, əyləncə və incəsənət sahəsində fəaliyyət – 530,6 manat;
ticarət; nəqliyyat vasitələrinin təmiri – 526,5 manat;
əhaliyə səhiyyə xidməti və sosial xidmətlərin göstərilməsi – 524,2 manat;
təhsil – 522 manat;
inzibati və yardımçı xidmətlərin göstərilməsi – 436,6 manat;
kənd təsərrüfatı, meşə təsərrüfatı və balıqçılıq – 433,9 manat;
digər sahələrdə xidmətlərin göstərilməsi – 712,4 manat.
Ölkədə minimum maaş 250 manatdır.
Əmək və Əhalinin Sosial Müdafiəsi Nazirliyinin hesabatına görə, 2021-ci ilin əvvəlinə muzdla çalışanların yarısı 343 manatdan çox, yarısı həmin məbləğdən az əməkhaqqı alıb.
