Polşa Rusiyaya cavab olaraq ABŞ-dan 250 ədəd tank alır
Polşa ABŞ-dan 250 ədəd “Abrams” tankı almağa hazırlaşır. Bunu mediaya Polşanın müdafiə naziri Mariuş Blaşak açıqlayıb.
Novator.az-ın məlumatına görə, nazir həmin tanklardan Rusiyanın Polşaya mümkün hücumlarının qarşısını almaq üçün istifadə olunacağını vurğulayıb: “Bu, beynəlxalq təhlükəsizlik baxımından bizim üzləşdiyimiz problemlərə cavabımızdır. Məqsədimiz potensial təcavüzkarı durdurmaqdır. Təcavüzkarın harada olduğunu isə hamı yaxşı bilir”.
“Abrams” ABŞ-ın əsas döyüş tankıdır. 1980-ci ildən istehsal olunur. General Kreyton Abramsın (1914-1974) şərəfinə adlandırılan bu tankdan Avstraliya, Mərakeş, Misir və bəzi başqa dövlətlərin orduları da istifadə edir.
Mənbə: Euobserver.com
