Bolqarıstan: parlamentə 6 qüvvə düşür
Bolqarıstanda iyulun 11-də keçirilmiş növbədənkənar parlament seçkisinin ilkin nəticələri sabiq baş nazir Boyko Borisovun GERB Partiyasını önə çıxarıb. Novator.az-ın məlumatına görə, partiya səslərin 23,9%-ni alıb.
Belə Xalq Var Partiyası 23,6% səslə ikinci, Sosialist Partiyası 13,6% səslə üçüncüdür.
Proporsional sistemin tətbiq olunduğu seçkidə parlamentə düşmək üçün tələb olunan 4%-lik səs həddini Demokratik Bolqarıstan Partiyasının, Hüquq və Azadlıq Hərəkatının, “Qalx, mafiya rədd olsun” adlı vətəndaş platformasının da keçdiyi bildirilir.
Bu il aprelin 4-də keçirilmiş parlament seçkisindən sonra hökumət qurmaq mümkün olmayıb və mayın 11-də qanunverici orqan buraxılıb.
GERB Partiyasına liderlik edən 1959-cu il təvəllüdlü Boyko Borisov baş nazir postunu 2009-2013, 2014-2017 və 2017-2021-ci illərdə tutub.
