İtaliya və İngiltərənin final yolu
16-cı Avropa futbol çempionatı iyulun 11-nə təyin olunan final matçı ilə başa çatır: Londonda İtaliya və İngiltərə milli komandaları üz-üzə gələcək.
İyunun 11-də start götürən çempionata Londonla yanaşı Amsterdam, Bakı, Budapeşt, Buxarest, Kopenhagen, Qlazqo, Münhen, Roma, Sankt-Peterburq və Sevilya şəhərləri ev sahibliyi edib.
Novator.az bildirir ki, A qrupunda yer alan İtaliya Türkiyəni və İsveçrəni 3:0, Uelsi 1:0 hesabları ilə yenib.
1/8 finalda italyanlar Avstriyanı (2:1 – əlavə vaxtda), 1/4 finalda Belçikanı (2:1), yarımfinalda İspaniyanı (1:1, penalti seriyasında – 4:2) ələyib.
D qrupunda oynayan İngiltərə Xorvatiya və Çexiyanı 1:0 hesabları ilə udub, Şotlandiya ilə heç-heçə edib (0:0).
1/8 finalda Almaniya (2:0), 1/4 finalda Ukrayna (4:0), yarımfinalda Danimarka (2:1 – əlavə vaxtda) mübarizədən kənarlaşdırılıb.
İtalyanların indiyə qədər bir çempionluğu var.
1960-cı ildə SSRİ, 1964, 2008, 2012-ci illərdə İspaniya, 1968-ci ildə İtaliya, 1972, 1980, 1996-cı illərdə Almaniya, 1976-cı ildə Çexoslovakiya, 1984, 2000-ci illərdə Fransa, 1988-ci ildə Niderland, 1992-ci ildə Danimarka, 2004-cü ildə Yunanıstan, 2016-cı ildə Portuqaliya Avropa çempionu olub.
