Beşbarmağın statusu
Nazirlər Kabineti “Beşbarmaq dağı” Dövlət Tarix-Mədəniyyət və Təbiət Qoruğunun əsasnaməsini təsdiqləyib.
Novator.az bildirir ki, qoruq prezident İlham Əliyevin 8 iyun 2020-ci il sərəncamı ilə yaradılıb, idarəçilik Dövlət Turizm Agentliyinə tapşırılıb. Sərəncamda qeyd olunub ki, Siyəzən rayonunun Qalaşıxı kəndi ərazisindəki Beşbarmaq dağının ətrafında dövlət mühafizəsinə götürülmüş tarix və mədəniyyət abidələri yerləşir, ilk orta əsrlərə aid Beşbarmaq paralel müdafiə səddi 2001-ci ildə beynəlxalq səviyyədə təcili qorunmaya ehtiyacı olan maddi-mədəni irsin ilkin siyahısına daxil edilib.
Əsasnaməyə görə, “Beşbarmaq dağı” Dövlət Tarix-Mədəniyyət və Təbiət Qoruğu Dövlət Turizm Agentliyinin tabeliyində fəaliyyət göstərir, onun fəaliyyətinə Qoruqları İdarəetmə Mərkəzinin təqdimatı ilə vəzifəyə təyin olunan direktor rəhbərlik edir.
