Ali Məhkəmə məhbus jurnalistin cəzasını azaltdı
İyulun 2-də Ali Məhkəmə Azel.tv saytının baş redaktoru Əfqan Sadıqovun şikayəti üzrə qərar çıxarıb. “Turan”ın məlumatına görə, jurnalistin azadlıqdan məhrumetmə cəzası 4 ilə düşürülüb.
Əfqan Sadıqovu 2020-ci il mayın 13-də Baş Prokuror yanında Korrupsiyaya Qarşı Mübarizə Baş İdarəsi tutub. Həmin il noyabrın 3-də Bakı Ağır Cinayətlər Məhkəməsi onu xeyli miqdarda əmlakı hədə-qorxu ilə tələb etmədə təqsirli bilərək 7 il müddətinə azadlıqdan məhrum edib.
Eyni iş üzrə Xeberfakt.az saytının baş redaktoru Sakit Muradov 5 il müddətinə şərti həbs cəzası alıb.
2021-ci il yanvarın 28-də Sumqayıt Apellyasiya Məhkəməsi Əfqan Sadıqova təyin olunan azadlıqdan məhrumetmə cəzasının müddətini 6 ilə endirib.
