Nazirlikdən yarım il hesabatı
Ədliyyə Nazirliyi bildirir ki, 2021-ci ilin birinci yarısında 1500-dən artıq hüquqi akt layihəsi hazırlanıb, 1400-dən çox akt ekspertizadan keçirilib, 128 minə yaxın vətəndaşlıq vəziyyəti aktı, 53400-dən çox doğum, 22 minə yaxın nikah dövlət qeydiyyatına alınıb.
Hesabata görə, 6 ayda 345 mindən çox icra sənədinin icrası təmin edilib və 300 milyon manatadək vəsait ödətdirilib.
38 minədək bələdiyyə aktı üzrə inzibati nəzarət həyata keçirildiyi, 1225 aktın nazirliyin təklifləri əsasında ləğv edildiyi və ya dəyişdirildiyi, habelə qanunsuz verilmiş 2400 hektardan çox torpaq sahəsinin geri qaytarıldığı qeyd olunur.
