Manatın xərci 2,7 milyard dolları ötüb
Dövlət Neft Fondu Mərkəzi Bankın 2021-ci ilin iyun ayında keçirdiyi valyuta hərraclarında 463,6 milyon ABŞ dolları məbləğində vəsait satıb. Rəsmi hesabat iyulun 1-də yayılıb.
Novator.az bildirir ki, 2021-ci ilin ilk yarısının valyuta hərraclarında sərf olunan vəsaitin həcmi 2 milyard 766,1 milyon dollardır. Yanvarda fonddan 644,9 milyon dollar, fevralda 437,3 milyon dollar, martda 397,7 milyon dollar, apreldə 509,9 milyon dollar, mayda 312,7 milyon dollar alınıb.
2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Manatı qorumaq üçün Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar satıb.
