Novator.az xarici valyutaların rəsmi məzənnələrinin yarım ildə necə dəyişməsinə diqqət yetirib.

Avro 2021-ci ilə 2,0854 manatla başlayıb. Ən yüksək rəsmi kurs yanvarda 2,0958, fevralda 2,0697, martda 2,0547, apreldə 2,0618, mayda 2,0844, iyunda 2,0785 manat olub.

Gürcüstan larisi 0,5144 manatla start götürüb. Rəsmi zirvə yanvarda 0,5170, fevralda 0,5176, martda 0,5135, apreldə 0,4990, mayda 0,5205, iyunda 0,5463 manat göstərilib.

Rusiya rublu yola 0,0229 manatla çıxıb. Maksimal məzənnə yanvar, fevral və mayda 0,0232, martda 0,0233, apreldə 0,0229, iyunda 0,0237 manat səviyyəsində rəsmiləşib.

Türkiyə lirəsinin ilkin qiyməti 0,2291 manat olub. Yuxarı hədd yanvarda 0,2327, fevralda 0,2442, martda 0,2330, apreldə 0,2117, mayda 0,2063, iyunda 0,2027 manat göstərilib.

2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb.

2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.

Dövlət Neft Fondu Mərkəzi Bankın 2021-ci ilin ilk beş ayında keçirdiyi valyuta hərraclarında 2 milyard 302,5 milyon ABŞ dolları məbləğində vəsait satıb. Yanvarda fonddan 644,9 milyon dollar, fevralda 437,3 milyon dollar, martda 397,7 milyon dollar, apreldə 509,9 milyon dollar, mayda 312,7 milyon dollar alınıb.

Manatı qorumağa Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.