Səkkizlik
İyunun 11-dən keçirilən 16-cı Avropa futbol çempionatının 44 oyunu arxada qalıb. Novator.az bildirir ki, qrup mərhələsi və 1/8 finalda 123 qol qeydə alınıb. Bu, hər matça 2,8-ə yaxın top deməkdir.
Amsterdam, Bakı, Budapeşt, Buxarest, Kopenhagen, Qlazqo, London, Münhen, Roma, Sankt-Peterburq və Sevilya şəhərlərinin ev sahibliyi etdiyi oyunları stadionlarda 843 mindən çox (orta hesabla hər matçı 19 mindən çox) azarkeş izləyib.
1/4 final cütlükləri belə müəyyənləşib:
İsveçrə – İspaniya
Belçika – İtaliya
Çexiya – Danimarka
Ukrayna – İngiltərə.
1960-cı ildə SSRİ, 1964, 2008, 2012-ci illərdə İspaniya, 1968-ci ildə İtaliya, 1972, 1980, 1996-cı illərdə Almaniya, 1976-cı ildə Çexoslovakiya, 1984, 2000-ci illərdə Fransa, 1988-ci ildə Niderland, 1992-ci ildə Danimarka, 2004-cü ildə Yunanıstan, 2016-cı ildə Portuqaliya Avropa çempionu olub.
