29 iyun qiyməti
AZƏRTAC-ın 29 iyun məlumatına görə, Azərbaycan nefti “AzəriLayt”ın barreli 76,56 dollara təklif olunur. Bu, büdcə qiymətindən 36,56 dollar yuxarı qiymətdir.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57 dollarla başlayıb.
Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel göstərilib. Beynəlxalq razılaşmaya əsasən, Azərbaycan gündəlik hasilatı iyunda 610 min barrel, iyulda 620 min barrel həcmində saxlamalıdır.
Rəsmi hesabata görə, 2021-ci ilin yanvar-may aylarında 14,3 milyon ton neft çıxarılıb. Novator.az bildirir ki, 2008-ci ildə hasilat 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton olub.
