Qiymət və hasilat
Energetika Nazirliyinin 25 iyun məlumatına görə, Azərbaycan nefti “AzəriLayt”ın barreli 76,27 dollara satılır.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57 dollarla başlayıb.
Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel göstərilib. Neft ixrac edən bir çox ölkənin əldə etdiyi razılaşmaya əsasən, Azərbaycan gündəlik hasilatı iyunda 610 min barrel, iyulda 620 min barrel həcmində saxlamalıdır.
Dövlət Statistika Komitəsinin hesabatına görə, 2021-ci ilin yanvar-may aylarında 14,3 milyon ton neft çıxarılıb. Novator.az bildirir ki, 2008-ci ilin hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həcmində rəsmiləşib.
2011-ci ildə hasilat 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton olub.
