Naxçıvanın beş ayı
Naxçıvan Muxtar Respublikasının Dövlət Statistika Komitəsi bildirir ki, bölgədə 384 növdə məhsul istehsal olunur, əhalinin 350 növdə məhsula tələbatı yerli imkanlar hesabına ödənir.
Hesabata görə, 2021-ci ilin yanvar-may aylarında muxtar respublikada 1 milyard 24,9 milyon manatlıq ümumi daxili məhsul istehsal olunub, hər bir nəfərə 2218,9 manatlıq pay düşüb.
Beş ayda sənayedə 459,4 milyon manatlıq, kənd təsərrüfatında 59,3 milyon manatlıq məhsul istehsal olunduğu, əsas kapitala 406,2 milyon manat vəsait yönəldildiyi bildirilir.
İnformasiya və rabitə xidmətlərinin beş aylıq dəyəri 23,9 milyon manat göstərilir, hüquqi və fiziki şəxslərə 85,3 milyon manat məbləğində kreditlər verildiyi vurğulanır.
