Döyüş təlimi
Azərbaycanın Hərbi Dəniz Qüvvələri (HDQ) iyunun 22-də Döyüş Gəmiləri Dəstəsi, Döyüş Təminatı və Təminedici Gəmilər Dəstəsi və dəniz piyadalarının iştirakı ilə taktiki təlimlərə başlayıb. AZƏRTAC xəbər verir ki, iyunun 23-dək davam edəcək təlimlərin əsas məqsədi Azərbaycanın hərbi-siyasi və iqtisadi maraqlarına yönəlmiş təhdidlərin qarşısının alınması, Xəzər dənizinin Azərbaycana məxsus sektorunda enerji infrastrukturunun mühafizəsi və müdafiəsi üzrə döyüş əməliyyatlarının aparılmasıdır.
Xəzər dənizinin Azərbaycana məxsus sektoruna daxil olmuş şərti düşmənin məhv edilməsi, əlverişli əməliyyat rejiminin bərpası və universal müdafiənin təşkili üzrə tapşırıqlar icra ediləcək.
