Cəza şərtiyə çöndü
Bakı Apellyasiya Məhkəməsi iyunun 22-də AXCP üzvü Səid Məmmədzadəni (Bakuvi) azadlığa buraxıb. Onun 3 il 6 aylıq azadlıqdan məhrumetmə cəzası şərti cəza ilə əvəzlənib.
Səid Məmmədzadəyə azadlıqdan məhrumetmə cəzasını 2021-ci il aprelin 28-də Xətai Rayon Məhkəməsi kəsmiş, cəbhəçi həmin gün həbs edilmişdi.
2020-ci il mayın 16-sı Bakıda tutulan, iyulun 20-də ev dustaqlığına buraxılan cəbhəçi silahdan istifadə etməklə xuliqanlıqda təqsirli bilinib. O, bıçaqla xəsarət yetirməkdə ittiham olunub, istintaq xuliqanlıq – silahdan istifadə etməklə zor tətbiqi motivi ilə aparılıb.
Cəbhəçi ittihamı qəbul etmir, bəraət istəyir.
