İqtisadçı, Respublikaçı Alternativ Partiyasının funksioneri Natiq Cəfərli elektriklə işləyən avtomobillərin idxalında azalmaya diqqət çəkib. Novator.az-ın məlumatına görə, o yazır ki, 2021-ci ilin yanvar-may aylarında Azərbaycana elektriklə işləyən 29 avtomobil gətirilib: “2020-ci ilin eyni dövründə 81 belə avtomobil idxal olunmuşdu. Bu da az idi, indi isə rəqəm lap dibə düşüb. Beş ayda ölkəyə 31220 ədəd avtomobil gətirilib, bunun cəmi 29-u müasir, ekoloji baxımdan əlverişli avtomobildir.

Hökumət elə hey “ağıllı kənd”, “smart şəhər”, “yaşıl iqtisadiyyat” deyir. Ancaq belə gömrük siyasəti, bu acgözlük və geridə qalmış düşüncə ilə heç nə qurmaq mümkün deyil. Bu sistem ekoloji olaraq da çirkli sistemdir”.