DOST-un xidməti
Dayanıqlı və Operativ Sosial Təminat (DOST) Agentliyinin “DOST” mərkəzlərində göstərilən xidmətlərin siyahısı yenilənib. Novator.az bildirir ki, prezidentin 17 iyun fərmanı ilə 5 və daha çox uşağı doğub 8 yaşınadək tərbiyə etmiş qadınlara; ana vəfat etdiyinə və ya ana ilə nikaha xitam verildiyinə, yaxud ana valideynlik hüququndan məhrum edildiyinə görə 5 və daha çox uşağı növbəti nikah bağlamadan, təkbaşına səkkiz yaşınadək böyüdən atalara, habelə 5 və daha çox uşağı övladlığa götürüb təkbaşına səkkiz yaşınadək böyüdən atalara, həmçinin 5 və daha çox uşağı səkkiz yaşınadək böyüdən qəyyum kişilərə əmək pensiyası təyin edilməsi “DOST” mərkəzlərinə həvalə olunur.
Övladlığa götürülən uşağa, o cümlədən övladlığa götürülən sağlamlıq imkanları məhdud 18 yaşınadək uşağa görə; 5 və daha çox uşağı doğub 8 yaşınadək tərbiyə etmiş qadınlara; sağlamlıq imkanları məhdud uşağını 8 yaşınadək tərbiyə etmiş qadınlara; ana vəfat etdiyinə və ya ana ilə nikaha xitam verildiyinə, yaxud ana valideynlik hüququndan məhrum edildiyinə görə 5 və daha çox uşağı növbəti nikah bağlamadan, təkbaşına səkkiz yaşınadək böyüdən atalara, habelə 5 və daha çox uşağı övladlığa götürüb təkbaşına səkkiz yaşınadək böyüdən atalara, həmçinin 5 və daha çox uşağı səkkiz yaşınadək böyüdən qəyyum kişilərə; müddətli həqiqi hərbi xidmət qulluqçularının uşaqlarına; ümumi səbəblərdən I dərəcə əlilliyi olan şəxslərə (gözdən əlilliyi olan şəxslər istisna olmaqla); ümumi səbəblərdən I dərəcə gözdən əlilliyi olan şəxslərə; əmək kitabçasında müvafiq qeydiyyat aparılan əsas iş yeri üzrə elmi müəssisə və təşkilatlarda və ya təhsil müəssisələrində azı 25 il çalışmış, elmi dərəcəsi olan, işləməyən, əmək pensiyası hüququ olan şəxslərə müavinət təyinatı da “DOST” mərkəzlərinin səlahiyyətinə keçir.
