Mayın miqrasiya pozuntuları
Dövlət Miqrasiya Xidməti 2021-ci ilin may ayında əcnəbilərdən Azərbaycanda olduğu yer üzrə qeydiyyatla bağlı 9479 müraciət alıb.
Rəsmi hesabata görə, Azərbaycan ərazisində müvəqqəti və daimi yaşamaq üçün icazələr üzrə 3683 müraciət gəlib.
Şəxsin Azərbaycan vətəndaşlığına mənsubiyyətinin müəyyənləşdirilməsi müraciətlərinin sayı 1540 göstərilir.
Məlumata əsasən, qanunvericiliyin tələblərinin pozulması 558 qərara gətirib.
123 qərarda cərimə ödəməklə ölkə ərazisini tərk etmək tələbi yer alıb, 182 qərar ölkə ərazisində yaşamanı rəsmiləşdirib.
8 qərar ölkədən inzibati qaydada çıxarılmaqla cəriməni, 215 qərar ölkəyə girişə məhdudiyyəti nəzərdə tutub.
Azərbaycan ərazisində müvəqqəti və daimi yaşamaq üçün icazə sənədinin itirilməsi üzrə 17, əcnəbilərin işə cəlb edilməsi qaydasının pozulması üzrə 11, qeydiyyat normalarının pozulması üzrə 2 qərar çıxarılıb.
