4,9 milyon məşğul
Dövlət Statistika Komitəsi 2021-ci il iyunun 1-nə iqtisadi fəal əhalinin 4 milyon 908,2 min nəfərini məşğul əhali kimi göstərib. Novator.az bildirir ki, rəsmi hesabata görə, mayın 1-nə muzdlu işçilərin 32,7 min nəfəri iqtisadiyyatın neft-qaz sektorunda, 1 milyon 645,7 min nəfəri qeyri neft-qaz sektorunda çalışıb.
Qeyd olunur ki, yanvar-may aylarında iqtisadi və sosial sahələrinin inkişafına yönəldilən sərmayənin 69,1 faizi məhsul istehsalı sahələrinin, 23,3 faizi xidmət sahələrinin, 7,6 faizi yaşayış evlərinin tikintisinin payına düşüb. Sərmayədə müəssisə və təşkilatların vəsaitləri 3 milyard 16,8 milyon manat, büdcə vəsaitləri 891,1 milyon manat, bank kreditləri 292,8 milyon manat, əhalinin şəxsi vəsaitləri 336,8 milyon manat, başqa vəsaitlər 369,5 milyon manat göstərilir.
Xarici müəssisə və təşkilatların beş ayda 1 milyard 946,2 milyon manat vəsait yatırdığı vurğulanır.
Başqa bir hesabata əsasən, yanvar-may aylarında ictimai iaşə dövriyyəsi 2020-ci ilin eyni dövrü ilə müqayisədə 19,3 faiz, əhaliyə göstərilmiş ödənişli xidmətlərdən əldə olunan gəlir 0,2 faiz azalıb.
