Qiymət, hasilat, ixrac
Energetika Nazirliyinin 16 iyun məlumatına görə, “AzəriLayt” markalı Azərbaycan neftinin barreli 75,18 dollara satılır.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57 dollarla başlayıb.
Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel göstərilib. Beynəlxalq razılaşmaya əsasən, Azərbaycan gündəlik hasilatı iyunda 610 min barrel, iyulda 620 min barrel həcmində saxlamalıdır.
2021-ci ilin yanvar-may aylarında ölkədə 14,3 milyon ton neft çıxarılıb.
Novator.az bildirir ki, Dövlət Gömrük Komitəsinin beş aylıq hesabatına görə, Azərbaycandan xam neft alan ölkələr miqdar və statistik dəyər baxımından belə sıralanır:
İtaliya
Hindistan
İspaniya
İsrail
Portuqaliya
Tunis
Xorvatiya
Ukrayna
Tailand
Böyük Britaniya
Belarus
Çin
Türkiyə
Kanada
İrlandiya
Almaniya
Rumıniya
Avstraliya
Çexiya
Rusiya.
