Pul köçürülməsində iki lider
İqtisadçı Rövşən Ağayev pul köçürmələri statistikasına nəzər salıb. Novator.az-ın məlumatına görə, Mərkəzi Bankın tədiyyə balansı hesabatına əsaslanan iqtisadçı yazır ki, 2021-ci ilin ilk rübündə Rusiya Azərbaycana fiziki şəxslərin göndərdiyi pulların həcmi sarıdan birinci yerdə qərarlaşıb: “Azərbaycana pul köçürmələrinin 52%-i Rusiyanın payına düşüb”.
Azərbaycandan fiziki şəxslərin göndərdiyi pulların həcmi baxımından əsas ölkə isə Türkiyə olub: yanvar-mart aylarında Azərbaycandan çıxan pulların təxminən 28%-i Türkiyəyə göndərilib.
Ekspert bildirir ki, üç ayda Rusiyadan ölkəyə 120 milyon dollar gəlib, Azərbaycandan Türkiyəyə 33,5 milyon dollar köçürülüb.
