Naxçıvanın sosial-iqtisadi göstəriciləri
Naxçıvan Muxtar Respublikasının sosial-iqtisadi göstəriciləri açıqlanıb. Novator.az bildirir ki, bölgənin Dövlət Statistika Komitəsinin hesabatına görə, 2021-ci ilin yanvar-may aylarında muxtar respublikada ümumi daxili məhsul (ÜDM) istehsalı ötən ilin eyni dövrünə nəzərən 0,4 faiz artıb, hər bir nəfərə düşən ÜDM 2218,9 manat olub.
2020-ci ilin ilk beş ayı ilə müqayisədə sənayedə 1 faiz, kənd təsərrüfatında 2,9 faiz, sərmayə qoyuluşunda 0,4 faiz, informasiya və rabitə xidmətlərində 9,1 faiz yüksəlişin qeydə alındığı vurğulanır.
Qeyd olunur ki, nəqliyyat sektorunda yük daşınması 2020-ci ilin yanvar-may aylarına nəzərən 0,4 faiz artıb, pərakəndə əmtəə dövriyyəsi 1,3 faiz, əhaliyə göstərilən ödənişli xidmətlər 2,6 faiz geriləyib.
2021-ci il mayın 1-nə bölgədə orta aylıq əməkhaqqı 536,3 manat göstərilir.
