Çempionatın mükafat fondu
16-cı Avropa futbol çempionatının final mərhələsində 24 komanda iştirak edir. Novator.az bildirir ki, onların hər biri UEFA-dan 9 milyon 250 min avro alır. Qalan mükafat məbləğləri belədir:
qrup raundunda hər qələbə – 1 milyon avro, hər heç-heçə – 500 min avro;
1/8 finala vəsiqə – 1 milyon 500 min avro;
1/4 finala vəsiqə – 2 milyon 500 min avro;
yarımfinala vəsiqə – 4 milyon avro;
finalçı – 5 milyon avro, çempion – 8 milyon avro.
Final mərhələsi iyunun 11-dən iyulun 11-dək keçirilir.
A qrupunda Türkiyə, İtaliya, Uels və İsveçrə yer alır. Oyunlar Bakı və Romadadır.
B qrupuna Danimarka, Finlandiya, Belçika, Rusiya düşüb. Oyunların ev sahibi Kopenhagen və Sankt-Peterburqdur.
C qrupunda Niderland, Ukrayna, Avstriya, Şimali Makedoniya var. Oyunlar Amsterdam və Buxarestə salınıb.
D qrupunda İngiltərə, Xorvatiya, Şotlandiya, Çexiya yer alır. Oyunlar Qlazqo və Londonda keçirilir.
E qrupunda İspaniya, İsveç, Polşa, Slovakiya var. Oyunlar Sankt-Peterburq və Sevilyaya salınıb.
F qrupunun tərkibi belədir: Macarıstan, Portuqaliya, Fransa, Almaniya. Oyunlara Budapeşt və Münhen ev sahibliyi edir.
1/8 finala qrupda ilk iki yeri tutan komandalar və üçüncü yerdə qərarlaşan komandaların dördü vəsiqə alır.
