Ümumi daxili məhsul artıma keçdi
Dövlət Statistika Komitəsinin hesabatına görə, 2021-ci ilin yanvar-may aylarında Azərbaycanda 31 milyard 532,5 milyon manatlıq, əvvəlki ilin eyni dövrü ilə müqayisədə 0,8 faiz çox ümumi daxili məhsul (ÜDM) istehsal olunub. İqtisadiyyatın neft-qaz sektorunda əlavə dəyərin 6,7 faiz azaldığı, qeyri neft-qaz sektorunda 4,5 faiz artdığı vurğulanır, əhalinin hər nəfərinə düşən ÜDM 3150,6 manat göstərilir.
Yanvar-aprel aylarında əvvəlki ilin ilk dörd ayı ilə müqayisədə 0,2 faiz az ÜDM istehsal edilmişdi.
Novator.az bildirir ki, 1995-ci ildə ÜDM əvvəlki ilə nisbətən 11,8 faiz geriləyib.
1996-cı ildən ümumi daxili məhsulun həcmi artıb.
20 ildən sonra ilk tənəzzül 2016-cı ilə təsadüf edib: ÜDM istehsalı 2015-ci ilə nisbətən 3,1 faiz azalıb.
2017-ci ildə 0,2 faizlik, 2018-ci ildə 1,4 faizlik, 2019-cu ildə 2,2 faizlik artım rəsmiləşib.
2020-ci ildə ÜDM istehsalı 2019-cu illə müqayisədə 4,3 faiz düşüb.
