UEFA-nın klub turnirlərinə 237 komanda buraxılır
2021-2022-ci illər mövsümündə Avropanın klub turnirlərinə 55 UEFA üzvünün 237 komandası buraxılır. Novator.az bildirir ki, Çempionlar Liqasında 80, Avropa Liqasında 21, Konfrans Liqasında 136 komanda var.
Çempionlar Liqasının ilkin və birinci mərhələlərində ələnən komandalar Konfrans Liqasına, ikinci, üçüncü, dördüncü mərhələlərində ələnən və qrup mərhələsində üçüncü yeri tutan komandalar Avropa Liqasına köçür.
Avropa Liqasının təsnifat raundlarında ələnən və qrup mərhələsində üçüncü yeri tutan komandalar Konfrans Liqasına transfer olunur.
Azərbaycanı Çempionlar Liqasında Bakının “Neftçi” komandası təmsil edir. Paytaxt klubu turnirə ilk ələmə raundundan (22-25 iyun) sonra – birinci mərhələdən (6-14 iyul) başlayır. Həmin raundda “Neftçi”yə Xorvatiyadan “Dinamo”, Bolqarıstandan “Ludoqorets”, İsveçdən “Malmö”, Rumıniyadan “Kluj”, Polşadan “Legiya”, Moldovadan “Şerif”, Macarıstandan “Ferensvaroş”, Şimali Makedoniyadan “Şkendiya”, Slovakiyadan “Slovan”, Gürcüstandan “Dinamo” (Tbilisi), Litvadan “Jalgiris” (Vilnüs), Estoniyadan “Flora”, Monteneqrodan “Buduçnost”, Qazaxıstandan “Kayrat”, Cəbəllütariqdən “Linkoln” rəqib ola bilər.
Yunanıstandan “Olimpiakos”, İsveçrədən “Yanq Boyz”, Serbiyadan “Srvena Zvezda” ikinci mərhələdəki (20-28 iyul) mümkün rəqiblərdir.
Üçüncü mərhələdə (3-10 avqust) “Neftçi”nin Çexiyadan “Slaviya”, Şotlandiyadan “Reyncers”, dördüncü mərhələdə (17-25 avqust) Avstriyadan “Zalsburq”la görüşməsi mümkündür.
İspaniyadan “Atletiko”, “Real”, “Barselona”, “Sevilya”, “Vilyarreal”, İngiltərədən “Mançester Siti”, “Mançester Yunayted”, “Liverpul”, “Çelsi”, Almaniyadan “Bavariya”, “Leypsiq”, “Borussiya” (Dortmund), “Volfsburq”, İtaliyadan “İnter”, “Milan”, “Atalanta”, “Yuventus”, Fransadan “Lill”, PSJ, Portuqaliyadan “Sportinq”, “Portu”, Rusiyadan “Zenit”, Belçikadan “Brügge”, Ukraynadan “Dinamo”, Niderlanddan “Ayaks”, Türkiyədən “Beşiktaş” qrup raundunda (14 sentyabr-8 dekabr) yer alırlar.
Azərbaycanın Avropa Liqasında komandası yoxdur.
Konfrans Liqasındakı Azərbaycan təmsilçiləri “Keşlə”, “Qarabağ” və “Sumqayıt” turnirə ikinci mərhələdən (22-29 iyul) başlayır. Həmin raundda “Qarabağ”a İsveçrədən “Servett”, Yunanıstandan “Aris”, Belarusdan “Dinamo” (Brest), “Torpedo-BelAZ”, Slovakiyadan “Dunayska Streda”, İsraildən “Aşdod”, Norveçdən “Valerenqa”, İsveçdən “Hammarbü”, “Elfsborq”, “Haken”, Bolqarıstandan “Lokomotiv” (Plovdiv), “Arda”, Rumıniyadan “Sepsi”, Qazaxıstandan “Tobol”, “Şaxtyor”, Macarıstandan “Uypeşt”, Polşadan “Poqon”, “Rakov”, Litvadan “Panevejis” rəqib ola bilər.
“Keşlə” və “Sumqayıt”ın potensial rəqibləri arasında İsveçrədən “Bazel”, Danimarkadan “Kopenhagen”, Çexiyadan “Viktoriya”, “Slovatsko”, Belçikadan “Gent”, Qazaxıstandan “Astana”, Niderlanddan “Feyenoord”, Rumıniyadan “Styaua”, “Universitatya”, Yunanıstandan AEK, Serbiyadan “Partizan”, “Voyvodina”, “Çukariçki”, İsraildən “Hapoel” (Beer-Şeva), Belarusdan BATE, Norveçdən “Molde”, “Rusenborq”, Xorvatiyadan “Riyeka”, “Hayduk”, “Osiyek”, Kiprdən “Apollon”, AEL, Avstriyadan “Austria”, Portuqaliyadan “Santa Klara”, Bolqarıstandan SSKA, Lüksemburqdan “Düdelanj”, Rusiyadan “Soçi”, Şotlandiyadan “Aberdin”, “Hibernian”, Sloveniyadan “Olimpiya”, Ukraynadan “Vorskla”, Türkiyədən “Sivasspor”, Danimarkadan “Orxus”, Lixtenşteyndən “Vaduts” var.
Belçikadan “Anderlext”, Avstriyadan LASK, Yunanıstandan PAOK, Portuqaliyadan “Paşuş de Ferreyra”, Niderlanddan “Vitess”, Rusiyadan “Rubin”, Ukraynadan “Kolos” (Kovalyovka), Türkiyədən “Trabzonspor”, İsveçrədən “Lüsern” üçüncü mərhələdən (5-12 avqust) start götürür.
Dördüncü mərhələyə (19-26 avqust) İtaliyadan “Roma”, İngiltərədən “Tottenhem”, Fransadan “Renn”, Almaniyadan “Union Berlin” buraxılıb.
