Səkkiz ölkədən Türkiyəyə gələn şəxslərə karantin tətbiq edilib.

Novator.az-ın məlumatına görə, həmin ölkələr bunlardır: Əfqanıstan, Banqladeş, Braziliya, Cənubi Afrika, Hindistan, Nepal, Pakistan və Şri-Lanka.

Karantinə səbəb koronavirus infeksiyası ilə əlaqədar yaranmış epidemioloji vəziyyətdir.

Türkiyə Hava Yolları bəyan edib ki, adıçəkilən ölkələrdən gələn sərnişinlər 14 gün müddətində karantində qalacaqlar.

Eyni zamanda bu ölkələrin vətəndaşları Türkiyəyə gəlməzdən uzağı 72 saat əvvəl COVİD testi verməli və nəticənin neqativ olduğunu təsdiqləyən tibbi arayış təqdim etməlidirlər.

COVİD testi başqa ölkələrin vətəndaşlarına da aiddir. Amma başqa ölkələrdən gələnlər Türkiyə ərazisinə daxil olmazdan ən azı 14 gün qabaq peyvənd olunublarsa və ya son 6 ayda koronavirus xəstəliyinə tutulub sağalıblarsa, onlardan test vermək tələb edilmir.

2019-cu ilin dekabrında Çində üzə çıxaraq dünyanı bürüyən yeni növ koronavirus infeksiyası 208 ölkə, ərazi və məkanda 3 milyon 730 minə yaxın adamın ölümünə səbəb olub.

Mənbə: Dailysabah.com