Tilsimi qıranlar
UEFA məkanında 2020-2021 mövsümü uzun illərdir çempionluq həsrəti ilə yaşayan bəzi komandalar üçün uğurlu olub. Novator.az-a bu barədə danışan futbol icmalçısı Rasim Mövsümzadə deyir ki, tanınmış klublardan “İnter” İtaliyada, “Atletiko” İspaniyada, Kiyev “Dinamo”su Ukraynada, “Sportinq” Portuqaliyada, “Reyncers” Şotlandiyada, “Beşiktaş” Türkiyədə tilsimi qıraraq zirvəni fəth ediblər.
“Neftçi”nin 8 illik fasilədən sonra Azərbaycan çempionu titulunu qazandığını vurğulayan Rasim Mövsümzadə həmçinin qeyd edir ki, “Mura” Sloveniyada ilk dəfə çempionluq zirvəsinə yüksəlib.
Avropada 4 il və daha çox müddətdən sonra ölkə çempionu olan komandaların siyahısı belədir:
“Hamrun” (Malta) – əvvəlki çempionluğu 1991-ci ildə olub
“Teuta” (Albaniya) – 1994
“Sportinq” (Portuqaliya) – 2002
“Brondbü” (Danimarka) – 2005
“Omoniya” (Kipr) – 2010
“İnter” (İtaliya) – 2010
“Borats” (Bosniya və Herseqovina) – 2011
“Lill” (Fransa) – 2011
“Makkabi” (Hayfa, İsrail) – 2011
“Reyncers” (Şotlandiya) – 2011
“Neftçi” (Azərbaycan) – 2013
“Priştina” (Kosovo) – 2013
“Atletiko” (İspaniya) – 2014
“Fola” (Lüksemburq) – 2015
“Folqore” (San Marino) – 2015
“Dinamo” (Kiyev, Ukrayna) – 2016
“Beşiktaş” (Türkiyə) – 2017.
