Səmədağa Şıxlarov həlak olub
Futbol veteranı Səmədağa Şıxlarov iyunun 1-də həlak olub. Report.az-ın məlumatına görə, onu Bakının Həsən Əliyev küçəsi ilə Azadlıq prospektinin kəsişməsində minik avtomobili vurub, veteran futbolçu hadisə yerində keçinib.
Novator.az bildirir ki, 1955-ci il təvəllüdlü Səmədağa Şıxlarov 1974, 1977-1980, 1982-1984-cü illərdə Bakının “Neftçi” komandasının hücumçusu olub, karyerası ərzində Sumqayıtın “Xəzər”, Bakının “Avtomobilçi”, Kiyevin SKA, Gəncənin “Kəpəz”, Siyəzənin “Çıraqqala” komandalarında da çıxış edib, SSRİ olimpiya yığmasının heyətində 2 oyun keçirib.
Allah rəhmət eləsin!
