Neftsiz ixrac nə qədər artıb?
İqtisadi İslahatların Təhlili və Kommunikasiya Mərkəzi ixrac icmalı yayıb. Novator.az bildirir ki, 2021-ci ilin yanvar-aprel aylarının qeyri-neft sektoru üzrə ixracı 697 milyon ABŞ dolları dəyərində göstərilir: “Qeyri-neft sektoru üzrə ixrac 2020-ci ilin ilk dörd ayı ilə müqayisədə 26,5 faiz artıb. Yanvar-aprel ayları ərzində ixrac edilən malların siyahısında pambıq mahlıcı 96,4 milyon dollarla birinci olub, qızıl ikinci (64,6 milyon dollar), pomidor üçüncü (42,3 milyon dollar) yerdə qərarlaşıb.
Dörd ayda Türkiyəyə 216,2 milyon, Rusiyaya 188,5 milyon, İsveçrəyə 68,2 milyon, Gürcüstana 53,5 milyon, ABŞ-a 23 milyon dollar dəyərində qeyri-neft məhsulu ixrac olunub”.
