Çempionlar Liqası: yeni mövsümün bütün komandaları
UEFA Çempionlar Liqasının 2021-2022 mövsümünə 80 komanda buraxılır. Novator.az siyahını təqdim edir.
Kosovodan “Priştina”, Farer adalarından “HB Torshavn”, Andorradan “İnter”, San Marinodan “Folqore” yarışa ilk ələmə raundundan (22-25 iyun) başlayır.
Xorvatiyadan “Dinamo”, İsveçdən “Malmö”, Norveçdən “Bode-Qlimt”, İsraildən “Makkabi” (Hayfa), Qazaxıstandan “Kayrat”, Belarusdan “Şaxtyor”, Azərbaycandan “Neftçi”, Bolqarıstandan “Ludoqorets”, Rumıniyadan “Kluj”, Polşadan “Legiya”, Slovakiyadan “Slovan”, Sloveniyadan “Mura”, Macarıstandan “Ferensvaroş”, Lüksemburqdan “Fola”, Litvadan “Jalgiris” (Vilnüs), Ermənistandan “Alaşkert”, Latviyadan “Riqa”, Albaniyadan “Teuta”, Şimali Makedoniyadan “Şkendiya”, Bosniyadan “Borats”, Moldovadan “Şerif”, İrlandiyadan “Şemrok Rovers”, Finlandiyadan HİK, Gürcüstandan “Dinamo” (Tbilisi), Maltadan “Hamrun”, İslandiyadan “Valyur”, Uelsdən “Konnah Kuey”, Şimali İrlandiyadan “Linfild”, Cəbəllütariqdən “Linkoln”, Monteneqrodan “Buduçnost”, Estoniyadan “Flora” birinci mərhələdə (6-14 iyul) yer alırlar.
Kiprdən “Omoniya”, İsveçrədən “Yanq Boyz”, Yunanıstandan “Olimpiakos”, Serbiyadan “Srvena Zvezda”, Niderlanddan PSV, Türkiyədən “Qalatasaray”, Avstriyadan “Rapid”, Danimarkadan “Midtülland”, Şotlandiyadan “Seltik”, Çexiyadan “Sparta” ikinci mərhələdən (20-28 iyul) start götürürlər.
Şotlandiyadan “Reyncers”, Çexiyadan “Slaviya”, Fransadan “Monako”, Portuqaliyadan “Benfika”, Rusiyadan “Spartak” (Moskva), Belçikadan “Genk”, Ukraynadan “Şaxtyor” üçüncü mərhələdədir (3-10 avqust).
Avstriyadan “Zalsburq”, Danimarkadan “Brondbü” dördüncü mərhələyə (17-25 avqust) buraxılıb.
İspaniyadan “Atletiko”, “Real”, “Barselona”, “Sevilya”, “Vilyarreal”, İngiltərədən “Mançester Siti”, “Mançester Yunayted”, “Liverpul”, “Çelsi”, Almaniyadan “Bavariya”, “Leypsiq”, “Borussiya” (Dortmund), “Volfsburq”, İtaliyadan “İnter”, “Milan”, “Atalanta”, “Yuventus”, Fransadan “Lill”, PSJ, Portuqaliyadan “Sportinq”, “Portu”, Rusiyadan “Zenit”, Belçikadan “Brügge”, Ukraynadan “Dinamo”, Niderlanddan “Ayaks”, Türkiyədən “Beşiktaş” qrup raundunda (14 sentyabr-8 dekabr) oynayacaq.
Azərbaycanı təmsil edən Bakının “Neftçi” komandasına birinci mərhələdə Xorvatiya “Dinamo”su, “Ludoqorets”, “Malmö”, “Kluj”, “Legiya”, “Şerif”, “Ferensvaroş”, “Şkendiya”, Slovakiya “Slovan”ı, “Dinamo” (Tbilisi), “Jalgiris” (Vilnüs), “Flora”, “Buduçnost”, “Kayrat”, “Linkoln” rəqib ola bilər.
“Olimpiakos”, “Yanq Boyz”, “Srvena Zvezda” ikinci mərhələdəki potensial rəqiblərdir.
Üçüncü mərhələdə “Neftçi”nin qarşısına “Slaviya”, “Reyncers”in, dördüncü mərhələdə “Zalsburq”un çıxması mümkündür.
1937-ci ildə yaradılmış “Neftçi” üst-üstə 27 il SSRİ çempionatının güclülər dəstəsində yarışıb, 1966-cı ildə bürünc medallara sahib çıxıb. 1992-ci ildən keçirilən milli çempionatlarda 9 zəfəri var.
Komanda 2012-2013 mövsümündə Avropa Liqasının qrup mərhələsində oynayıb.
