Böyük liqada final
UEFA-nın əsas klub turniri olan Çempionlar Liqasında 2020-2021-ci illər mövsümü bitib. Novator.az-ın məlumatına görə, mayın 29-u Portuqaliyanın Portu şəhərində keçirilən finalda iki ingilis komandası – “Mançester Siti” ilə “Çelsi” üz-üzə gəlib. Oyun “Çelsi”nin 1:0 hesablı qələbəsi ilə başa çatıb. Bu, “Çelsi”nin Çempionlar Liqasında ikinci zəfəridir.
1955-ci ildə yaradılmış, 1992-ci ilə qədər Çempionlar kuboku adlanmış turnirdə daha 21 klubun qələbəsi var. “Real” 13, “Milan” 7, “Bavariya” və “Liverpul” 6, “Barselona” 5, “Ayaks” 4, “İnter” (İtaliya) və “Mançester Yunayted” 3, “Benfika”, “Nottingem Forest”, “Yuventus” və “Portu” 2 titula sahibdir.
“Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund) 1 uğur əldə edib.
