Büdcənin icrası: qanun qəbul olunur
Milli Məclisin 27 may iclasında Azərbaycanın 2020-ci il büdcəsinin icrası haqqında qanun layihəsi ilk oxunuşda qəbul edilib. Novator.az bildirir ki, layihədə gəlirlər 24,7 milyard manat, xərclər 26,4 milyard manat göstərilir, icra olunmuş xərclər belə sıralanır:
iqtisadi fəaliyyət – 5,5 milyard manat;
müdafiə və milli təhlükəsizlik – 3,7 milyard manat
ümumi dövlət xidmətləri – 3,5 milyard manat;
sosial müdafiə və sosial təminat – 3,1 milyard manat;
təhsil – 2,8 milyard manat;
məhkəmə hakimiyyəti, hüquq mühafizə və prokurorluq – 1,8 milyard manat;
səhiyyə – 1,7 milyard manat;
kənd təsərrüfatı – 862,2 milyon manat;
mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 342 milyon manat;
mənzil və kommunal təsərrüfatı – 245,6 milyon manat;
ətraf mühitin mühafizəsi – 240,6 milyon manat;
əsas bölmələrə aid edilməyən xərclər – 2,5 milyard manat.
Layihəyə görə, 2020-ci ildə büdcə kəsiri 1,7 milyard manat, 2021-ci il yanvarın 1-nə vahid xəzinə hesabının sərbəst qalığı 1,5 milyard manat olub.
