Yarımfinalın yarısı
2021-ci ilin “Avroviziya” mahnı müsabiqəsi start götürüb. Novator.az bildirir ki, mayın 18-i Niderlandın Rotterdam şəhərində, “Ahoy” konsert zalında keçirilən ilk yarımfinalda Azərbaycanı “Mata Hari” mahnısı ilə təmsil edən Samirə Əfəndi finala adlayıb.
Mərhələ keçən digər iştirakçılar bunlardır:
Belçika – “Huverfonik” qrupu
İsrail – Eden Alene
İsveç – Tusin Mikael Çiza
Kipr – Yelena Sanqrinu
Litva – “The Roop” qrupu
Malta – Destini Çukunyere
Norveç – Andreas Haykeland
Rusiya – Manija Sanqin
Ukrayna – “Go A” qrupu.
İctimai teleradiolar qurumu – Avropa Yayım Birliyinin layihəsi olan yarışmanın ikinci yarımfinalı mayın 20-nə təyin edilib.
1956-cı ildən keçirilən “Avroviziya”ya Azərbaycan 2008-ci ildən qatılır. 2008-ci ildə Elnur Hüseynov və Samir Cavadzadə 8-ci, 2009-cu ildə Aysel Teymurzadə və Araş 3-cü, 2010-cu ildə Səfurə Əlizadə 5-ci, 2011-ci ildə Nigar Camal və Eldar Qasımov 1-ci, 2012-ci ildə Səbinə Babayeva 4-cü, 2013-cü ildə Fərid Məmmədov 2-ci, 2014-cü ildə Dilarə Kazımova 22-ci, 2015-ci ildə Elnur Hüseynov 12-ci, 2016-cı ildə Səmra Rəhimli 17-ci, 2017-ci ildə Diana Hacıyeva 14-cü, 2019-cu ildə Çingiz Mustafayev 8-ci yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
