Çempion son turda müəyyənləşdi
Azərbaycanın yüksək futbol liqasında 2020-2021 mövsümü başa çatıb. Novator.az bildirir ki, çempionun adı mayın 19-da keçirilən son turda bilinib: Bakının “Neftçi” komandası qızıl medallara sahib çıxıb. Bu, komandanın 9-cu çempionluğudur.
1992-ci ildən keçirilən milli çempionatlarda daha 7 komandanın zəfəri var: “Qarabağ” (Ağdam) 8 dəfə, “Kəpəz” (Gəncə) 3 dəfə, “Şəmkir”, “Bakı” və “İnter” (Bakı, indiki “Keşlə”) 2 dəfə, “Turan” (Tovuz) və “Xəzər Lənkəran” 1 dəfə çempion olub.
1937-ci ildə yaradılmış “Neftçi” komandası üst-üstə 27 il SSRİ çempionatının güclülər dəstəsində yarışıb, 1966-cı ildə bürünc medallara sahib çıxıb.
Komanda 2012-2013 mövsümündə Avropa Liqasının qrup mərhələsində çıxış edib.
