Artım və azalma statistikası
Azərbaycanın Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, rəsmi hesabata görə, 2021-ci ilin yanvar-aprel aylarında kənd təsərrüfatında məhsul istehsalı əvvəlki ilin eyni dövrünə nəzərən 2,3 faiz artıb.
Nəqliyyat sektorunda yük daşınması üzrə 6,2 faiz, sərnişin daşınması üzrə 30,2 faiz geriləmə olduğu vurğulanır.
Açıqlamaya əsasən, informasiya və rabitə xidmətlərində 3,8 yüksəliş, əhaliyə göstərilən ödənişli xidmətlərdə 4,1 faiz tənəzzül var.
Əhalinin nominal gəlirlərinin dörd ayda 2020-ci ilin yanvar-aprel ayları ilə müqayisədə 1,1 faiz azaldığı qeyd edilir.
Hesabata görə, dövlət büdcəsinin gəlirləri xərclərini 706,6 milyon manat üstələyib.
Dövlət Statistika Komitəsi həmçinin bildirir ki, 2021-ci ilin ilk rübündə kredit qoyuluşları əvvəlki ilin eyni dövrünə nəzərən 5,8 faiz, əhalinin banklardakı əmanətləri 1,3 faiz azalıb.
Dörd ayın bahalaşma statistikası
Ümumi daxili məhsul: həm azalma var, həm artım
