Orta maaş 4,2 faiz azalıb
Dövlət Statistika Komitəsi iqtisadiyyatda işləyənlərin sayı və əməkhaqqı barədə hesabat yayıb. Novator.az bildirir ki, rəsmi açıqlamaya görə, 2021-ci il aprelin 1-nə ölkə iqtisadiyyatında muzdla çalışan işçilərin sayı 1 milyon 679,7 min nəfərə çatıb.
Yanvar-mart aylarında ölkə iqtisadiyyatında orta aylıq nominal əməkhaqqının əvvəlki ilin ilk rübünə nisbətən 4,2 faiz azalaraq 713,2 manat olduğu vurğulanır.
Azərbaycanda minimum maaş 250 manatdır.
Əmək və Əhalinin Sosial Müdafiəsi Nazirliyi 2021-ci ilin əvvəlinə median əməkhaqqı məbləğini (əhalinin ilk yarısı ilə ikinci yarısını birləşdirən məbləğ) 343 manat göstərib.
