Dövlət Statistika Komitəsinin hesabatına görə, 2021-ci ilin yanvar-mart aylarında Azərbaycanın hüquqi və fiziki şəxsləri 153 ölkədəki tərəfdaşları ilə ticarət əməliyyatları həyata keçirib, 89 ölkəyə məhsul ixrac olunub, 144 ölkədən məhsul alınıb.

Novator.az bildirir ki, üç aylıq xarici ticarət dövriyyəsi 7 milyard 36,8 milyon ABŞ dolları göstərilir: bunun 4 milyard 506,3 milyon dolları ixrac, 2 milyard 530,5 milyon dolları idxaldır.

2020-ci ilin yanvar-mart ayları ilə müqayisədə xarici ticarət dövriyyəsinin faktiki qiymətlərlə 4,9 faiz artdığı, real ifadədə 15,1 faiz, o cümlədən idxalın 24,3 faiz, ixracın 9,1 faiz azaldığı vurğulanır.

Hesabata əsasən, yanvar-mart aylarında qeyri neft-qaz məhsullarının ixracı əvvəlki ilin eyni dövrü ilə müqayisədə faktiki qiymətlərlə 17 faiz, real ifadədə 3,7 faiz artaraq 501,5 milyon dollar dəyərində rəsmiləşib.