Dövlət Miqrasiya Xidmətinin aprel hesabatı
Dövlət Miqrasiya Xidməti 2021-ci ilin aprel ayının hesabatını yayıb. Rəsmi məlumata görə, əcnəbilər və vətəndaşlığı olmayan şəxslərdən olduğu yer üzrə qeydiyyata alınma ilə bağlı 8045 müraciət, müvəqqəti və daimi yaşamaq üçün icazələrin alınması (müddətlərin uzadılması) ilə bağlı 4210 müraciət, şəxsin Azərbaycan vətəndaşlığına mənsubiyyətinin müəyyənləşdirilməsi ilə bağlı 1877 müraciət qəbul edilib.
Qanunvericiliyin tələblərinin pozulması ilə bağlı qərarların sayı 633 göstərilir. 118 qərarda tətbiq olunan cəriməni ödəməklə ölkə ərazisini tərk etmək tələbi, 210 qərarda ölkə ərazisində yaşamanı qanuniləşdirmək, 15 qərarda ölkədən inzibati qaydada çıxarılmaqla cərimə tətbiqi, 258 qərarda ölkəyə girişə məhdudiyyət yer alıb.
Azərbaycan ərazisində müvəqqəti və daimi yaşamaq üçün icazə sənədinin itirilməsi üzrə 19, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 11, sənədlərin rəsmiləşdirilməsi qaydalarının pozulması üzrə 2 qərar çıxarılıb.
