Çempionlar Liqasına çıxan komandalar
Novator.az UEFA Çempionlar Liqasının 2021-2022 mövsümünə vəsiqəni təmin etmiş komandaların yenilənmiş siyahısını təqdim edir.
İspaniyadan “Atletiko”, “Real”, “Barselona”, “Sevilya”, İngiltərədən “Mançester Siti”, “Mançester Yunayted”, Almaniyadan “Bavariya”, “Leypsiq”, İtaliyadan “İnter”, Portuqaliyadan “Sportinq”, Rusiyadan “Zenit”, Ukraynadan “Dinamo”, Niderlanddan “Ayaks”ın qrup raundunda (14 sentyabr-8 dekabr) oynayacağı dəqiqləşib.
Portuqaliyadan “Portu” və “Benfika”nın turnirə qrupdan, yoxsa üçüncü ələmə mərhələsindən qatılacağı hələ bilinmir.
Turnirdə beş təsnifat mərhələsi var.
Avstriyadan “Zalsburq” dördüncü mərhələyə (17-25 avqust) buraxılıb.
Şotlandiyadan “Reyncers”, Ukraynadan “Şaxtyor” üçüncü mərhələdədir (3-10 avqust).
Çexiyadan “Slaviya”, Kiprdən “Omoniya”, İsveçrədən “Yanq Boyz”, Şotlandiyadan “Seltik” ikinci mərhələdən (20-28 iyul) start götürürlər.
Yunanıstandan “Olimpiakos”, Serbiyadan “Srvena Zvezda”, Xorvatiyadan “Dinamo”, İsveçdən “Malmö”, Norveçdən “Bode-Qlimt”, Qazaxıstandan “Kayrat”, Belarusdan “Şaxtyor”, Bolqarıstandan “Ludoqorets”, Polşadan “Legiya”, Macarıstandan “Ferensvaroş”, Litvadan “Jalgiris” (Vilnüs), Latviyadan “Riqa”, Şimali Makedoniyadan “Şkendiya”, Moldovadan “Şerif”, İrlandiyadan “Şemrok Rovers”, Finlandiyadan HİK, Gürcüstandan “Dinamo” (Tbilisi), Maltadan “Hamrun”, İslandiyadan “Valyur”, Monteneqrodan “Buduçnost”, Estoniyadan “Flora” birinci mərhələdə (6-14 iyul) yer alırlar.
Yarışa ilkin raunddan (22-25 iyun) başlayacaq komandalardan hələlik biri məlumdur: Farer adalarından “HB Torshavn”.
