Erkən nöqtə
Mayın 11-i İngiltərə milli futbol çempionatında 2020-2021-ci illər mövsümünün qalibi müəyyənləşib. Novator.az-ın məlumatına görə, lider “Mançester Siti” sona 3 tur qalmış izləyicisi “Mançester Yunayted”i 10 xal geridə qoyaraq çempionluğu təmin edib. Bu, 1880-ci ildə yaradılan komandanın 7-ci analoji zəfəridir.
İtaliya və Almaniya çempionatlarında qaliblərin adı daha əvvəl bilinib: “İnter” və “Bavariya”.
Avropanın digər iki aparıcı çempionatı da bitmək üzrədir.
İspaniya çempionatında “Atletiko” 77 xalla ilk kürsüdədir. “Real” və “Barselona” 75, “Sevilya” 71 xal yığıb.
Fransa çempionatında “Lill” 79 xalla zirvədə qərar tutur. PSJ 76, “Monako” 74, “Lion” 73 xal əldə edib.
