Hasilat hesabatı
2021-ci ilin aprel ayında Azərbaycanın gündəlik xam neft hasilatı 594 min barrel olub. Hesabatı Energetika Nazirliyi yayıb.
Gündəlik hasilat yanvar və fevral aylarında 593 min barrel, mart ayında 592,1 min barrel göstərilib. Beynəlxalq razılaşmaya əsasən, Azərbaycan gündəlik hasilatı mayda 603 min barrel, iyunda 610 min barrel, iyulda 620 min barrel həcmində saxlamalıdır.
Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” markalı Azərbaycan nefti yanvara 50,92, fevrala 56,68, marta 65,66, aprelə 64,25, maya 66,55 dollarla başlayıb.
Novator.az bildirir ki, 2021-ci ilin birinci rübündə Azərbaycanda təxminən 8,8 milyon ton neft (kondensatla birlikdə) çıxarılıb.
2008-ci ilin neft hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həddində rəsmiləşib.
2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton hasilat qeydə alınıb.
