Üç ayın qəza statistikası
2021-ci ilin yanvar-mart aylarında Azərbaycanda 376 yol-nəqliyyat hadisəsi baş verib, 125 nəfər həlak olub, 370 nəfər xəsarət alıb. Dövlət Statistika Komitəsi belə hesabat yayıb.
Rəsmi açıqlamaya görə, yol-nəqliyyat hadisələrinin 37,8 faizi nəqliyyat vasitələrinin və piyadaların, 38,3 faizi bir neçə nəqliyyat vasitəsinin, 23,9 faizi bir nəqliyyat vasitəsinin iştirakı ilə baş verib, qəzalarda həlak olanların 84 faizi, xəsarət alanların 72,7 faizi kişilərdir.
