Rəsmi nekroloq
Mədəniyyət Nazirliyi aktyor Arif Quliyevin ölümü ilə bağlı nekroloq yayıb.
Teatr və kino aktyoru olan Arif Quliyev mayın 7-də koronavirus xəstəliyindən dünyasını dəyişib.
Rəsmi nekroloqda bildirilir ki, Arif Əli oğlu Quliyev 1950-ci il mayın 16-da indiki Şirvan şəhərində doğulub: “Bakı Mədəni-Maarif Texnikumunun dram və kino aktyorluğu fakültəsində, Azərbaycan Dövlət İncəsənət İnstitutunun musiqili komediya aktyorluğu fakültəsində təhsil alıb.
Aktyorluğa Mingəçevir Dövlət Dram Teatrında başlayan Arif Quliyev sonralar Musiqili Komediya Teatrında və başqa teatrlarda çalışıb, müxtəlif tamaşalarda, bir çox bədii filmdə obrazlar yaradıb.
Arif Quliyev 1989-cu ildə əməkdar artist, 1993-cü ildə xalq artisti fəxri adlarına layiq görülüb, başqa mükafatlarla təltif olunub. Prezidentin fərdi təqaüdçüsü idi”.
Allah rəhmət eləsin!
